Sesta-feira, 16 husi Setembru 2016
Tailandés no británika maka manan iha etapa penúltima Tour de Timor ba bisikleta haleu foho

Tailandés Peerapol Chawchiangkwang ho británika Catherine Williamsons ohin manan iha etapa dahaat no penúltima hosi Tour de Timor, eventu bisikleta haleu foho, hosi Iliomar bá Com.

Foto:Tour de Timor 2016

David Vaz, siklista portugés ne’ebé maka lidera jerál, tama ba segundu lugar, tanba británika maka manan dalarua ona, hafoin manan iha etapa kinta-feira nian, hafoin portugeza Celina Carpinteiro, maka lidera iha sesaun femenina.

 

Maun-alin Orlando ho Jacinto de Jesus da Costa hanesan timor-oan rua ne’ebé hakotu etapa ne’e, hodi to’o dala ida de’it iha liña meta nian.

 

Edisaun Tour de Timor ba tinan 2016 ne’ebé sei hala’o to’o aban, komposta hosi etapa lima ba bisikleta haleu foho, ne’ebé konta ho partisipante 120, hosi nasaun 19.  

 

Tour ne’e sei termina aban ho etapa dalima no ikus, hosi Lospalos bá Baucau (kilómetru 87).

 

Manan-na’in sira sei fahe prémiu ho valór totál 58.000 (besik euros 52.000), no prova hosi etapa dahuluk no ikus rejista hosi Uniaun Siklista Internasionál, sei fó dalan ba vensedór sira hodi akumula pontu ba sira-ninia klasifikasaun internasionál.

 

SAPO TL ho Lusa



publika husi sapotl às 09:09
link ba post | komentar | adisiona ba favoritu

Kinta-feira, 15 husi Setembru 2016
Portugés konsolida lideransa iha Tour de Timor hafoin realiza etapa datoluk ne’ebé todan

Ciclista portugés David Vaz no Celina Carpinteiro konsolida iha ohin lideransa Tour de Timor hafoin konklui etapa datoluk prova nian, entre Quelicai no Iliomar, iha  finál ne’ebé maka atleta balun tenki assiste deit.


Foto:Tour de Timor2016

 

David Vaz manán etapa datolu,  ho distánsia  kilómetru 83,5, lori tempu 3:16:15.00, liu Kirill Kazantsev (Kazakistaun), ne’ebé  hela deit segundu 18 iha kotuk, no tailandás Keerati Sukprasart (3:18:28.50).

 

Entre feto sira, británika Catherine Williamsons sai dahuluk ne’ebé korta meta ne’e, lori  tempu 4:05:34.40, liu Celina Carpinteiro, ne’ebé lori deit  segundu 50 hafoin, moos portugés Ilda da Silva Pereira.

 

Celina Carpinteiro mantéin, maski nune’e, nia okupa iha fatin  dahuluk klassifikasaun jerál nian.

 

Ba  loron datoluk  tutuir-malu, Jacinto de Jesus da Costa sai hanesan  timoroan ne’ebé di’ak liu, kompleta etapa ne’e ho 4:16:33.20.

 

Etapa ohin nian, hanesan  antepenúltima iha prova, ciclista barak  maka presiza assisténsia.

 

Tuir informasaun hosi  organizadór sira, australianu Craig Cooke, hetan ajuda bainhira to’o, tenki  assiste, ciclista timoroan na’in haat "aat iha  liña atu to’o nian".

 

Edisaun 2016 do Tour de Timor, sei kontinua to’o  sábadu, kompostu hosi etapa lima ho bicicleta foho nian, konta ho parsipante sira 120  hosi nasaun 19.

 

Iha  sesta-feira, sei hala’o etapa dahaat , entre Iliomar ba Com (kilómetru 104) no  kinta entre Lospalos no Baucau (kilómetru 87).

 

Vensedór sira sei fahe ba prémiu ho totál valór dólar 58.000 ( besik euro 52.000) hosi dahuluk no etapa ikus prova nian rejistadu hosi União Ciclista Internacional, permite ba vensedór sira atu akumula pontu ba klasifikasaun internasionál.

 

SAPO TL ho Lusa



publika husi sapotl às 08:52
link ba post | komentar | adisiona ba favoritu

Tersa-feira, 13 husi Setembru 2016
Siklista hosi Portugal no Kazakistaun manán etapa dahuluk hosi Tour de Timor

Siklista portugeza Celina Carpinteiro ho atleta hosi Kazakistaun Kirrill Kazantsev, iha loron-tersa ne'e, manán ona etapa dahuluk hosi Tour de Timor, ne'ebé hala'o entre kapital Díli no vila Manatuto. 


Foto@ Tour de Timor 2016


Iha sesaun maskulinu, klasifikadu daruak iha etapa ne'e maka portugés David Vaz, no portugeza Ilda Silva Pereira hela iha fatin daruak iha sesaun femininu, Celina Carpinteiro iha fatin dahuluk.

 

Timoroan dahuluk ne'ebé maka hakotu etapa, ho kilómetru 82,5, maka Jacinto de Jesus da Costa.

 

Foto@ Tour de Timor 2016

 

Edisaun Tour de Timor 2016 hanesan komposta hosi etapa lima iha bisikleta foho nian, konta ho partisipante hamutuk na'in 120 hosi nasaun 19, haktuir hosi informasaun ofisial.

 

Eventu desportivu, internasional liu hosi eventu sira ne'ebé hala'o tinan-tinan iha Timor-Leste, konta ho siklista timoroan na'in 60 no númeru hanesan hosi ema internasional sira, no destaka mós prezensa hosi timoroan dahuluk ne'ebé maka kompete tiha ona iha bisikleta foho nian iha Jogu Olímpiku sira Rio2016, Anche Cabral.

 

Etapa daruak, iha loron-kuarta, liga Manatuto ho Quelicai (Baucau) - iha distánsia ida hamutuk kilómetru 92,5 - no etapa datoluk liga fatin ne'e ho Iliomar (Lautem) iha sudeste, ho pasajen hosi Uatulari ho Uatucarbau (Viqueque) no distánsia total ida hamutuk kilómetru 83,5.

 

Etapa dahaat maka entre Iliomar ho Com (kilómetru 104) no etapa dalima entre Lospalos no Baucau, iha distánsia total ida hamutuk kilómetru 87.

 

Sira ne'ebé manán sei fahe prémiu ida ho folin total dolár 58.000 no etapa dahuluk no etapa ikus prova nian rejista hosi Uniaun Siklista Internasional, hodi permiti ba ema sira ne'ebé manán bele akumula pontu sira ba nia klasifikasaun internasional.

 

"Objetivu hosi Tour de Timor maka promove desportu ho turizmu timoroan sira nian iha komunidade internasional", destaka hosi sekretáriu Estadu ba Juventude no Desportu, Leovigildo Hornai.

 

Harii iha tinan 2009 hosi Prezidente Repúblika iha tempu ne'ebá, José Ramos-Horta, Tour de Timor iha nia edisaun inaugural hetan ona partisipasaun hosi partisipante na'in 300 resin hosi nasaun hamutuk 12.

 

Ho etapa barak maka liuhosi zona foho sira hosi sentru Timor-Leste nian, korida ne'e bele sai todan tebes tanba kondisaun rai nian, tanba iha subida barak no temperatura ne'ebé aas tebes.

 

Promotór sira fó hanoin katak hanesan "loron lima paseiu todan sira no nakonu ho aventura" iha "paizajen sira ne'ebé furak natural, liuhosi foho sira no bee moos sira".

 

ho Lusa



publika husi sapotl às 11:29
link ba post | komentar | adisiona ba favoritu

Kinta-feira, 17 husi Setembru 2015
Portugeza na'in ida ho australianu na'in ida mana'an Tour de Timor

Portugeza Celina Carpinteiro ho australianu Craig Cooke mana'an Tour de Timor.


Portugeza Celina Carpinteiro ho australianu Craig Cooke maka sai hanesan vensedór hosi edisaun 2015 Tour de Timor ba siklizmu nian, prova nebe hala'o iha zona foho sira Timor-Leste nian iha semana ne'e no hakotu horisehik ne'e iha Díli.

Celina Carpinteiro mana'an iha etapa tomak hosi prova ne'e no sai hetan klasifikasaun dahuluk iha kategoria feto nian no mana'an iha kategoria master (tinan 30-39), halakon australiana Gina Ricardo, nebe mana'an iha kategoria sub-23.

Iha prova jerál maskulinu, mana'an hosi australianu Craig Cooke, nebe disputa lideransa durante prova ho portugés David Belo, portugés ne'e mana'an troféu  Rei da Montanha.

Portugés Valério Ferreira mós sai hanesan klasifikadu datoluk ho Jacinto de Jesus Costa sai hanesan timoroan di'ak liu nebe okupa fatin daneen.

David Belo hakotu ona etapa dahaat iha fatin dahuluk iha jerál, ho vantajen ida liu minutu rua ho balun hasoru Cooke, nebe la konsege hametin iha etapa ikus, to'o iha Díli, nebe portugés ne'e tama iha fatin daruak tanba lakon minutu sanulu hosi australianu ne'e.

Durante prova, Celina Carpinteiro hatudu nia esperiénsia sira liuhosi nia pájina Facebook, nebe hatudu ksolok nebe ema hatudu hosi fatin sira nebe siklista sira halo prova.

"Estapa iha loron ohin nian hanesan furak tebes! Pontu ida aas liu maka ho aas metru 2.118. Ohin, paisajen sira hanesan emosionante tebes. Ha'u labele tradús imajen sira nebe ha'u rai hosi etapa ne'e", Celina Carpinteiro hakerek iha loron-kinta.

Antes, siklista ne'e destaka ona susar sira, hanesan susar sira nebe nia hetan iha etapa loron-tersa nian, nebe halo hamutuk ho "tasi-ibun paradizíaku ida".

"Dalan iha-ne'e todan tebes ba isin. Dalaruma ami hetan dalan sira nebe di'ak maibé ladún kleur ida. Bainhira tenki tuun lalais ami tenki iha atensaun tanba dalaruma mosu derepente kuak ida", nia hakerek.

Konsidera hanesan prova ida nebe todan liu hosi rejiaun ne'e, Tour de Timor hotu iha loron-kinta ne'e iha Díli, hafoin liutiha etapa lima, ho total kilómetru 280, nebe hala'o hahú hosi loron 13 hosi zona foho sira iha nasaun ne'e.

Iha foho, David Belo konsege ona pontu 116 iha klasifikasaun hitu hosi etapa lima prova nian, liu rua hosi australianu Craig Cooke, ho mós portugés Valério Ferreira nebe iha fatin datoluk, ho pontu 102.

David Belo sai mós hanesan klasifikadu dahuluk iha kategoria elite mane nian (tinan 23-29), hodi halakon timoroan António Almeida Pereira no australianu James Correy.

Iha kategoria elite feto nian, feto malaiu Masziyaton Mohd Radzi maka mana'an bainhira halakon timoroan Domingas Catarina Guterres.

Iha sub-23 mane sira nian, klasifikadu rua dahuluk maka timoroan na'in rua Leonel da Silva Gonçalves ho Antonio Fernandes Viana, ho feto na'in rua, australianu Gina Ricardo ho feto indonéziu Wilhelmina Tutuarima, nebe hakotu iha pozisaun dahuluk ho daruak.

Iha kategoria Master mane nian (30-39), Cooke maka mana'an hodi halakon portugés Valério Ferreira, no iha veteranu sira (40-49) klasifikadu dahuluk hetan hosi alemaun Faruk Jorge Baer nebe halakon portugés Pedro Figueiredo, no iha kategoria feto nian mana'an hosi australianu Iris Trapman.

Italianu Giorgio Iardino hetan fatin dahuluk iha kategoria super veteranu sira (liu tinan 50).

Harii iha tinan 2009 hosi José Ramos-Horta, bainhira iha tempu ne'ebá nu'udar PRezidente Repúblika, Tour de Timor iha nia edisaun inaugural hetan partisipasaun hosi ema na'in 300 hosi nasaun 12, no iha tinan ne'e partisipa hosi ema na'in 100 resin hosi nasaun oioin.

ho Lusa



publika husi sapotl às 11:28
link ba post | komentar | adisiona ba favoritu

Sesta-feira, 4 husi Setembru 2015
Sei hala’o Tour de Timor iha loron 13 Setembru

Tour de Timor ne’ebé hahú kria iha 2009 hosi Prezidente Repúblika José Ramos-Horta konta ona ninia edisaun inaugurál liu partisipante 300 hosi nasaun 12.

 

Foto: SAPO TL


Liu koredór 130, timoroan 60 no estranjeiru liu 70, hala’o hela inskrisaun ba edisaun 2013 hosi Tour de Timor, ne’ebé sei hala’o iha loron 13 setembru.

Tour ne’ebé kompostu hosi etapa lima, hahú hosi kapitál Timór no sei remata fali iha fatin hanesan.

Arranka ho etapa ida ho kilometru 110 entre Díli no Laclubar, iha loron 13, tuir fali iha loron tuir mai maka ho kilometru 104 entre Laclubar no Betano no iha loron 15 ho kilometru 48 entre Betano no Ainaro.

Iha loron 16 sei hala’o etapa ho kilometru 46 entre Ainaro no Hatobuilico no, ikus liu, iha loron 17 setembru etapa ikus liu, ho kilometru 82, entre Hatobuilico no Díli.

Alén klasifikasaun globál, sei iha prémiu ba kategoria lima - sub-23, elite, master, veteran no super-veterano (ho tinan liu 50) – no sei hala’o iha jogu prémiu sira ho valor totál kuaze dolar rihun 31 ho primeiru prémiu individuál maka hosi dolar 3.000 no hosi ekipa maka 2.000.

Hosi parte boot etapa sira liuba iha zona montañoza hosi sentru Timor-Leste, korrida partikularmente bele kleur tanba haree ba kondisaun rai, iha subida barak no ba temperatura ne’ebé aas.

Promotór sira fó hanoin katak ko’alia kona-ba "loron lima hosi paseiu sira ne’ebé susar tebes no aventureiru" iha "paisajen naturalmente furak, hakor rai no foho sira no bee kristalina sira".

SAPO TL ho SAPO Desporto



publika husi sapotl às 00:49
link ba post | komentar | adisiona ba favoritu

peskiza íha blog ida ne'é
 
Setembru 2016
Dom
Seg
Ter
Kua
Kin
Ses
Sab

1
2
3

4
5
6
7
8
9
10

11
12
17

19
20
21
22
23
24

25
26
27
28
29
30


post foun

Tailandés no británika ma...

Portugés konsolida lidera...

Siklista hosi Portugal no...

Portugeza na'in ida ho au...

Sei hala’o Tour de Timor ...

arkivu

Setembru 2016

Jullu 2016

Juñu 2016

Setembru 2015

Agostu 2015

Setembru 2014

Setembru 2013

Agostu 2013

tags

tags hotu-hotu

blogs SAPO
subscrever feeds