Tersa-feira, 13 husi Setembru 2016
Siklista hosi Portugal no Kazakistaun manán etapa dahuluk hosi Tour de Timor

Siklista portugeza Celina Carpinteiro ho atleta hosi Kazakistaun Kirrill Kazantsev, iha loron-tersa ne'e, manán ona etapa dahuluk hosi Tour de Timor, ne'ebé hala'o entre kapital Díli no vila Manatuto. 


Foto@ Tour de Timor 2016


Iha sesaun maskulinu, klasifikadu daruak iha etapa ne'e maka portugés David Vaz, no portugeza Ilda Silva Pereira hela iha fatin daruak iha sesaun femininu, Celina Carpinteiro iha fatin dahuluk.

 

Timoroan dahuluk ne'ebé maka hakotu etapa, ho kilómetru 82,5, maka Jacinto de Jesus da Costa.

 

Foto@ Tour de Timor 2016

 

Edisaun Tour de Timor 2016 hanesan komposta hosi etapa lima iha bisikleta foho nian, konta ho partisipante hamutuk na'in 120 hosi nasaun 19, haktuir hosi informasaun ofisial.

 

Eventu desportivu, internasional liu hosi eventu sira ne'ebé hala'o tinan-tinan iha Timor-Leste, konta ho siklista timoroan na'in 60 no númeru hanesan hosi ema internasional sira, no destaka mós prezensa hosi timoroan dahuluk ne'ebé maka kompete tiha ona iha bisikleta foho nian iha Jogu Olímpiku sira Rio2016, Anche Cabral.

 

Etapa daruak, iha loron-kuarta, liga Manatuto ho Quelicai (Baucau) - iha distánsia ida hamutuk kilómetru 92,5 - no etapa datoluk liga fatin ne'e ho Iliomar (Lautem) iha sudeste, ho pasajen hosi Uatulari ho Uatucarbau (Viqueque) no distánsia total ida hamutuk kilómetru 83,5.

 

Etapa dahaat maka entre Iliomar ho Com (kilómetru 104) no etapa dalima entre Lospalos no Baucau, iha distánsia total ida hamutuk kilómetru 87.

 

Sira ne'ebé manán sei fahe prémiu ida ho folin total dolár 58.000 no etapa dahuluk no etapa ikus prova nian rejista hosi Uniaun Siklista Internasional, hodi permiti ba ema sira ne'ebé manán bele akumula pontu sira ba nia klasifikasaun internasional.

 

"Objetivu hosi Tour de Timor maka promove desportu ho turizmu timoroan sira nian iha komunidade internasional", destaka hosi sekretáriu Estadu ba Juventude no Desportu, Leovigildo Hornai.

 

Harii iha tinan 2009 hosi Prezidente Repúblika iha tempu ne'ebá, José Ramos-Horta, Tour de Timor iha nia edisaun inaugural hetan ona partisipasaun hosi partisipante na'in 300 resin hosi nasaun hamutuk 12.

 

Ho etapa barak maka liuhosi zona foho sira hosi sentru Timor-Leste nian, korida ne'e bele sai todan tebes tanba kondisaun rai nian, tanba iha subida barak no temperatura ne'ebé aas tebes.

 

Promotór sira fó hanoin katak hanesan "loron lima paseiu todan sira no nakonu ho aventura" iha "paizajen sira ne'ebé furak natural, liuhosi foho sira no bee moos sira".

 

ho Lusa



publika husi sapotl às 11:29
link ba post | komentar | adisiona ba favoritu

Sesta-feira, 15 husi Jullu 2016
Tour de Timor 2016 (13 Setembru - 17 Setembru)

Prova siklizmu iha teritóriu nasional tomak hosi loron 13 to'o 17 Setembru. 

 

 

Aprezenta ofisialmente iha loron 07 Juñu hosi Sekretáriu Estadu ba Juventude no Desportu, Leovigildo da Costa Hornai, no hosi antigu Prezidente Repúbliku, José Ramos-Horta, prova siklizmu nasional Tour de Timor sei hala'o durante loron lima, ho etapa sira tuirmai ne'e:

 

- Etapa dahuluk: sai hosi Díli no to'o iha Manatuto, liuhosi Postu Administrativu Remexio (Aileu) no Laclo (Manatuto), ho distánsia total hamutuk 82,5 km;

 

- Etapa daruak: sai hosi Manatuto no to'o iha Postu Administrativu Quelicai (Baucau) iha distánsia total hamutuk 92,5 km;

 

- Etapa datoluk: sai hosi Postu Administrativu Quelicai (Baucau) no to'o iha Postu Administrativu Iliomar (Lautém), liuhosi Postu Administrativu Uatulari iha Uatucarbau (Viqueque), ho distánsia total ida hamutuk 83,5 km;

 

- Etapa dahaat: sai hosi Postu Administrativu Iliomar (Lautém) no to'o iha Lospalos ho distánsia total hamutuk 104 km;

 

- Etapa dalima: sai hosi Lospalos no to'o iha Baucau, iha distánsia hamutuk 87 km.

 

- Quarta etapa: partida do Posto Administrativo de Iliomar (Lautém) e chegada a Lospalos, numa distância total 104 km;

 

Atu hatene liután informasaun sira, bele haree iha www.tourdetimorlorosae.com

 

Fonte: Portal do Governo de Timor-Leste



publika husi sapotl às 16:18
link ba post | komentar | adisiona ba favoritu

peskiza íha blog ida ne'é
 
Setembru 2016
Dom
Seg
Ter
Kua
Kin
Ses
Sab

1
2
3

4
5
6
7
8
9
10

11
12
17

19
20
21
22
23
24

25
26
27
28
29
30


post foun

Siklista hosi Portugal no...

Tour de Timor 2016 (13 Se...

arkivu

Setembru 2016

Jullu 2016

Juñu 2016

Setembru 2015

Agostu 2015

Setembru 2014

Setembru 2013

Agostu 2013

tags

tags hotu-hotu

blogs SAPO
subscrever feeds