Tersa-feira, 11 husi Agostu 2015
TOUR DE TIMOR 2015

HAMETIN PÁS NO PROMOVE TURISMU TIMOR LESTE


DILI, 07 fulan Agustu tinan 2015- Tour de Timor ka Korida Bisikleta Nivel Internasional hanesan eventu anual husi Ministeriu Turismu Arte no Kultura ne’ebe nia obejetivu hodi hametin paz, harmonia, unidade nasional no mos hanesan parte ida hodi promove potensia turismu ne’ebe mak Timor Leste iha.

 


Ba tinan ida ne’e, Tour de Timor sei halao iha loron 13-17 fulan Setembru no servisu hamutuk entre MTAC, Gabinete Primeiru Ministru (PM) no mos Federasaun Siklismu Timor Leste (FCTL) hamutuk ho patrosinador sira hanesan AIRNORTH, NATIONAL CRITICAL AND TRAUMA RESPONSE CENTRE, TIMOR TELEKOM no AIR TIMOR.


Prosesu rejistrasaun ba eventu ida ne’e hahu halao ona iha fulan kotuk no too ohin loron total partisipante ne’ebe rejistu hamutuk 121 inklui siklista nasional 60 no internasional 61. Rute ba tinan ida ne’e, sei halao husi Dili – Laclubar ho total 110 km, Laclubar-Betano - Total 101 km, Betano - Ainaro Total 56km, Ainaro - Hatubuilico : Total 46 km, Hatobuilico - Dili: Total 82 km.


Kordenador Jeral ba Tour de Timor 2015, Aquilino Santo Caeiro, hateten, Tour de Timor hanesan eventu internasional ne’ebe ita utiliza hanesan meius hodi halo promosaun ba atraksaun turismu iha Timor Leste.


“Ami nia preparasaun kontinua halao hela ho intidades relevantes, hanesan parte seguransa, Bombeiros, Saude, Gabinete PM no seluk tan. Prosesu resjitu too oras ne’e loke hela ba publiku atraves website do TOUR DE TIMOR 2015 no sei taka iha loron 19 fulan ida ne’e (Agustu) hein katak numeru partisipante sei kontinua aumenta,”informa Aquilino.


Kategoria ne’be mak aplika ba eventu ida ne’e hanesan tinan 23 mai kraik (19-22), Elite (23-29), Master (30-39), Veteran (40-49) no Super Veteran (50+).


Iha fatin hanesan, Presidente Federasaun Siklismu Timor Leste, Ângelo Henrique hateten, nia parte sei servisu hamutuk ho komisaun organizadora husi parte governu liuliu MTAC nune’e TOUR DE TIMOR ba tinan ida ne’e bele lao ho diak liutan.


“Ami sei servisu hamutuk atu nune’e eventu ne’e bele lao ho susesu liutan, no hau iha esperansa katak, siklista nasional sira mos sei partisipa masimu iha eventu ida ne’e,” nia hateten.
Premiu ne’ebe mak prepara ho total USD 30.800, ne’ebe sei fahe ba manan nain sira tuir kategoria ne’ebe mak iha.


Tour de Timor badala uluk halao iha Agustu tinan 2009, ho inisiativa husi Eis Presidente Republika Timor Leste Dr. José Ramos-Horta, hanesan parte ida husi kampana “Dili Sidade Paz”. Ho partisipasaun husi nasaun 15 ho total partisipante hamutuk 288.

 

Haree foto Tour de Timor 2014

 


Foto: SAPO Timor Leste

 

SAPO TL ho MTAC



publika husi sapotl às 08:05
link ba post | komentar | adisiona ba favoritu

peskiza íha blog ida ne'é
 
Setembru 2016
Dom
Seg
Ter
Kua
Kin
Ses
Sab

1
2
3

4
5
6
7
8
9
10

11
12
17

19
20
21
22
23
24

25
26
27
28
29
30


post foun

TOUR DE TIMOR 2015

arkivu

Setembru 2016

Jullu 2016

Juñu 2016

Setembru 2015

Agostu 2015

Setembru 2014

Setembru 2013

Agostu 2013

tags

tags hotu-hotu

blogs SAPO
subscrever feeds