Kinta-feira, 30 husi Juñu 2016
Royal Hospital Darwin apoia Tour de Timor 2016

Sekretáriu Estadu hosi Juventude no Desportu, Leovigildo Hornai, hala'o ona enkontru ida apoiu nian ba eventu siklizmu Tour de Timor, ho reprezentante sira hosi Royal Hospital Darwin, Austrália, Abigail Trewin ho Michelle Foster, iha Díli, iha loron 13 Juñu 2016. 

 

 

Sekretáriu Estadu agradese ona ba Ospital apoiu ba eventu iha tinan ne'e: "Mai hametin relasaun sira entre ekipa médiku sira ne'ebé envolvidu iha eventu ne'e. Kolaborasaun hanesan oportunidade ida ba ekipa timoroan sira hodi aprende ho esperiénsia hosi ekipa Royal Hospital Darwin nian". Ekipa timoroan sira ne'ebé refere iha ne'e mai hosi Ministériu Saúde no hosi Cruz Vermelha de Timor-Leste.

 

Iha fatin seluk, reprezentante australianu sira hatudu orgullu tebes tanba bele envolve no apoia eventu iha tinan ne'e. Ekipa hosi Royal Hospital Darwin sei komposta hosi ema na'in 25 ne'ebé inklui médiku sira, fizioterapeuta sira no sira seluk.

 

Komisaun organizadora loke ona prosesu inskrisaun ba atleta nasional no internasional sira iha lorin 06 Juñu. Iha edisaun tinan ne'e, Tour de Timor oferese prémiu sira iha osan ho total dolar amerikanu rihun 55. Folin ne'e la inklui bónus ida ne'ebé oferese hosi Komisaun ba klasifikadu sira iha fatin tolu dahuluk.

 

"Ami hakarak apoia mós Maratona Internasional Díli nian ne'ebé sei hala'o iha loron 08 Outubru 2016", hatutan hosi Diretora Divizaun ba Prevensaun hosi Dezastre sira hosi Ospital Darwin nian.

 

Ba Maratona Díli nian, Komisaun Organizadora iha prémiu sira hamutuk dolar rihun 68, aleinde bónus ida ba atleta sira ne'ebé konsege hetan rekord nasional foun sira ba feto no mane sira.

 

Fonte: Portal do Governo de Timor-Leste



publika husi sapotl às 13:02
link ba post | komentar | adisiona ba favoritu

peskiza íha blog ida ne'é
 
Setembru 2016
Dom
Seg
Ter
Kua
Kin
Ses
Sab

1
2
3

4
5
6
7
8
9
10

11
12
17

19
20
21
22
23
24

25
26
27
28
29
30


post foun

Royal Hospital Darwin apo...

arkivu

Setembru 2016

Jullu 2016

Juñu 2016

Setembru 2015

Agostu 2015

Setembru 2014

Setembru 2013

Agostu 2013

tags

tags hotu-hotu

blogs SAPO
subscrever feeds