Kuarta-feira, 10 husi Setembru 2014
Tour de Timor sei hahú iha sábadu, 13-setembru

Ministru Turismu Francisco Kalbuadi Lay ohin dehan ba media sira iha Ministériu Turismu katak, Tour de Timor, nu’udar eventu siklismu ida ne’ebé bot iha Timor-Leste, no hetan patrosíniu hosi Timor Telecom (TT).

 

Hahú hosi loron 13 to’o 17-setembru, Timor-Leste sei hala’o prova ida ne’ebé emblemátika liu iha rai-laran hamutuk ho atleta estranjeiru haat nulu resin rua no nasionál 43.

 

Nasaun sanulu ne’ebé sei partisipa iha eventu ne’e maka hanesan Kanadá, Austrália, Malázia, Singapura, Portugal, Brazil, Holanda no seluk tan.

 

Prova ne’e ema hotu hatene katak sei liu hosi  fatuk-laran no fatin ne’ebé aas, maski liu hosi paizajen ne’ebé furak iha ninia leet, tuir komunikadu imprensa hosi TT.

 

Tinan ne’e Tour sei perkore ho totál km 364,7, liu hosi distritu Díli, Ermera ho Bobonaro, inklui mós liu hosi altitude maxima, no iha 1ª etapa, ho metru 1.942m.

 

Administradór TT (CEO), Manuel Capitão Amaro, iha konferénsia imprensa ne’ebé hala’o iha ministériu refere dehan katak “TT sempre fó atensaun ba iha prova desportiva nasionál no halo buat hotu hodi kontribui ba dezenvolvimentu nasionál ne’ebé maka di’ak.”

 

Alénde apoia Tour de Timor, CEO Timor Telecom haktuir mós kona-ba apoiu ne’ebé TT fó ba ninia atleta elite hirak ne’ebé pretense ba Sport Díli e Benfica. Hanesan Noélio Reis, Eugénio Tilman, David Gonçalves, Ivan Araújo, Noe Vong no Leonel Gonçalves.

 

Timor Telecom ne’ebé hanesan operadór ho istória besik tinan 12, fó patrosíniu ba eventu Tour de Timor no ba Atleta Elite, hodi insentiva ba área desportu iha nível nasionál, no fó kontribuisaun ba nasaun ida ne’ebé konsidera desportu hanesan prátika komun no apoia atu timor-oan sira moris saúdavel liu tan.

 

SAPO TL



publika husi sapotl às 07:18
link ba post | komentar | adisiona ba favoritu

peskiza íha blog ida ne'é
 
Setembru 2016
Dom
Seg
Ter
Kua
Kin
Ses
Sab

1
2
3

4
5
6
7
8
9
10

11
12
17

19
20
21
22
23
24

25
26
27
28
29
30


post foun

David Vaz e Celina Carpin...

David Vaz no Celina Carpi...

Tailandés no británika ma...

Tailandês e britânica ven...

Portugés konsolida lidera...

Portugueses consolidam li...

Tour de Timor 2016 Manatu...

Portugueses vencem segund...

Portugés sira manán iha s...

Siklista hosi Portugal no...

arkivu

Setembru 2016

Jullu 2016

Juñu 2016

Setembru 2015

Agostu 2015

Setembru 2014

Setembru 2013

Agostu 2013

tags

tags hotu-hotu

blogs SAPO
subscrever feeds